Уый тыххæй фехъусын кодта республикæйы сæргълæууæг Битарты Вячеслав
Цæгат Ирыстоны абонæй фæстæмæ конд æрцыд æнæмæнг хи изоляцийы фæтк. Уый тыххæй фехъусын кодта республикæйы сæргълæууæг Битарты Вячеслав. Уыцы фæтк фæкарздæр кодтой, нæ регионы коронавирусы инфекци дыууæ адæймагмæ кæй раиртæстой, уымæ гæсгæ. Уый та нысан кæны уый, æмæ, гæнæн æмæ амалæй алчидæр хъуамæ уа йæ хæдзары. Æнæ бæлвырд аххосагæй æддæмæ ма цæуа. Сæйрагдæр у, вирус парахат кæнын ма бауадзын. Уый тыххæй та хъæуы æдасдзинады дезинфекцион мадзæлттæ æххæст кæнын, æмæ дохтырты амындтытæм хъусын, загъта Битарты Вячеслав. Фæтк чи хала, уыдон цæудзысты æфхæрд. Республикæйы сæргълæууæджы æмæ хицауады пресс-службæйæ куыд фехъусын кодтой, афтæмæй ныртæккæ рынчынтæм фæлтæрдджын дохтырты рдыгæй цæуы бæстон цæстдард. Сæ уавæр банымайæн ис зæрдæмæдзæугæйыл. Сæ хæстæджытæм цæуы медицинон æркаст.