филиал вгтрк государственная телерадиовещательная компания “Алания”

Мидхъуыддæгты министрады хайады кусджытæ, фæлхасадмæ цæстдарды управленийы æмæ мидхъуыддæгты министрады æхсæнадон советы минæвæрттимæ горæты уынгтыл скодтой радон рейд.

Бæрæг кодтой, æнæхъуаджы уынгты чи рацу – бацу кæны, ахæм адæмы. Барадхъахъхъæнджытæ адæмимæ кодтой æмбарынгæнæн куыст, цæмæй уой сæ хæдзæртты, æмæ фæтк ма халой. Санкцитæ нæ парахат кæнынц, сæрмагонд æвдисæндартæ кæмæ ис сæ куыстæй, ахæм адæмыл. Абоны онг административон æфхæрд закъонхæлды тыххæй баййæфтой бирæ адæм.

Республикæйы сæрмагонд фæтк куы рацыди, уæдæй нырмæ, ахæм рейдтæ барадхъахъхъæнджытæ скодтой цалдæр хатты. Сæ сæйраг хæс у – адæмæн бамбарын кæнын уавæр, раттынц сын зæрдылдарæн фыстæджытæ. Бæстонæй дзы фыст ис коронавирусы профилактикæйы мадзæлттæ.