08 апреля 2020, 17:19
Дзæуджыхъæуы æхсæнадон транспорт райдыдта æнæниздзинадхъахъхъæнынады къабазы чи кусы, уыдон ласын
«ВладГорТранс» ацы хъуыддагæн радих кодта 25 автобусы
Дзæуджыхъæуы æхсæнадон транспорт райдыдта бæлццæтты ласын. Фæлæ ацы адæмы къордмæ хауынц æрмæстдæр æнæниздзинадхъахъхъæнынады къабазы чи кусы, уыдон.
«ВладГорТранс» ацы хъуыддагæн радих кодта 25 автобусы. Уыдон бон рацæуынц дыууæ хатты. Райсомæй, стæй фæссихор. Ацы хъуыддаг æххæст кæнынц 10 маршруты. Ацы лæггæдтæ сты лæвар. Ахæм фæткы транспорт кусы къуыри. Автобустæ иууылдæр цæуынц дезинфекцигонд, куыд мидæгæй, афтæ æддейы дæр. Зæгъын хъæуы уый, æмæ промышленносты æмæ транспорты министрад ахæм куыст кæны республикæйы районты дæр.
