Рагагъоммæ куыд нысан кæнынц, афтæмæй иумæйаг паддзахадон фæлварæны райдиан къæпхæн хъуамæ райдайа июны фыццаг бонты
Рæзгæ фæлтæр сты сæ хæдзæртты, фæлæ уроктæй нæ цух кæнынц. Скъоладзаутæ ахуыр кæнынц дардмæ. Профилон министрады куыд зæгъынц, афтæмæй рауагъдонтæн ис, алы уавæрты хæдзары иумæйаг паддзахадон фæлварæнтæм бацæттæ кæнынæн.
Алы хæслæвæрдæн дæр ис йæхи æмвæзад. Уымæй у æнцондæр, зæгъы Архонкæйы 11-æм къласы ахуырдзау. Станиславы фæнды медицинон академимæ бацæуын ахуыр кæнынмæ. Уымæ гæсгæ йæ тыхтæ сарæзта биологи æмæ хими ахуыр кæнынмæ. Иумæйаг фæлварæнмæ цæттæ кæны йæхи хъарутæй. Фæлæ йын бастдзинад ис йæ ахуыргæнджытимæ дæр.
Даниил та фылдæр архайы информатикæ, физикæ æмæ математикæ сахуыр кæныныл. Рауагъдон нысан кæны бындуронæй программæттæ аразыныл ахуыр кæнын. Йæ ныхсæтæм гæсгæ йын хæдзары ахуыр кæнынмæ ис фылдæр рæстæг.
Даниил æмæ Станислав сты æмкъласонтæ. Ахуыр кæнынц Архонкæйы 1-æм скъолайы. Ацы скъола дæр иннæты хуызæн ныртæккæ ис карантины. Фæсивæд фæлварæнтæм цæттæ кæнынц дардмæ.
Республикæйы ахуырады æмæ наукæйы министрады куыд зæгъынц, афтæмæй рауагъдонтæн ис алы фадæттæ æмбæлгæ æмвæзадыл бацæттæ кæнынæн.
Рагагъоммæ куыд нысан кæнынц, афтæмæй иумæйаг паддзахадон фæлварæны райдиан къæпхæн хъуамæ райдайа июны фыццаг бонты.
