Нысанмæ куыст стоматологон клиникæтæ райдайдзысты, куыддæр хи изоляцийы фæтк нæ республикæйы сисой, афтæ
Куыд Уæрæсейы, æмтгæй райсгæйæ, афтæ Цæгат Ирыстоны дæр æххæстгонд цæуы хи изоляцийы фæтк. Уыимæ цалдæр социалон объектæн бар радтой скусынæн. Уыдоны хыгъдмæ хаст не рцыдысты стоматологон клиникæтæ. Ныртæккæ дæндæгты дохтыртæ лæггад кæнынц æрмæстдæр тыхст рынчынтæн. Нысанмæ куыст стоматологон клиникæтæ райдайдзысты, куыддæр хи изоляцийы фæтк нæ республикæйы сисой, афтæ.
Ацы пациенткæ стоматологон клиникæмæ æрбацыд, уымæн æмæ йæ дæндажы рыстæн нал фæрæзта. Ныртæккæ дæндæгты дохтыртæ лæггад кæнынц æрмæстдæр тыхст рынчынтæн. Хирург Руслан Якубов куыд радзырдта, афтæмæй кусынц хи изоляцийы фæткмæ гæсгæ.
Рæстæмбис нымадæй, кæд раздæр суткæмæ истой 500 пациенты, уæд ныр та 100 адæймагæй фылдæр нæ вæййынц. Æхцайыл æмæ нысанмæ гæсгæ чи дзæбæх кæны йæ дæнгæтæ, уыцы пациентты ныртæккæ рæстæгмæ нæ исынц. Уæрæсейы æнæниздзинадхъахъхъæнынадмæ цæстдарды Управленийы амындтытæм гæсгæ, дохтыртæ æрмæстдæр сисынц рыст, дзæбæх кæнын та ногæй райдайдзысты, изоляцийы фæтк куы фæуа, уæд. Уыимæ алы тыхст пациент дæр хъуамæ йæ къухтæ сæрфа антисептиктæй.
Зæгъдзыстæм ма уый дæр, æмæ нысанмæ куыст Цæгат Ирыстоны стоматологон клиникæтæ райдайдзысты, куыддæр хи изоляцийы фæтк нæ республикæйы сисой, афтæ.
