15 апреля 2020, 16:05
Фæстаг суткæмæ цæгатирыстойнаг лабораториты сбæрæг кодтой 11 анализы COVID-19-æн
Уыдонмæ ногæй æркæсынмæ сæ арвыстой Цæгат Ирыстоны гигиенæйы æмæ эпидемиологийы Центрмæ
Фæстаг суткæмæ цæгатирыстойнаг лабораториты сбæрæг кодтой 11 анализы COVID-19-æн. Уыдонмæ ногæй æркæсынмæ сæ арвыстой Цæгат Ирыстоны гигиенæйы æмæ эпидемиологийы Центрмæ. Ахæм бæрæггæнæнтæ фехъусын кодтой Уæрæсейы фæлхасадмæ цæстдарды республикон Управленийæ. Цæстдарæн ведомствойы зæгъынц, абон нæ республикæйы ног рынчынты нæ раиртæстой. Æдæппæтæй сты 52 адæймаджы. Изоляцийы фæткы дохтыртæ сæ цæст дарынц 864 адæймагмæ. Алы райсом уавæры тыххæй бæстон радзуры æнæниздзинадхъахъхъæнынады министр Годжысаты Тамерлан, æмæ йæм байхъусæм.