Уый хъæуы, цæмæй абоны зын эпидемиологон уавæры адæмы цард ма фæзындæр уа, уый тыххæй
Æппæтуæрæсеон адæмон фронт дарддæр бæрæг кæны хойраджы егъау дуканитæ. Уый хъæуы, цæмæй абоны зын эпидемиологон уавæры адæмы цард ма фæзындæр уа, уый тыххæй. Стæй экономикæ æмæ социалон рæзты фарстатæ дæр ма фæтасой. Ахæм рейдтæ активисттæ кæнынц алы къуыри дæр.
Къуырийы размæ цы æргътæ уыд, уыдоны цур æвæрд сты продуктты абоны æргътæ. Æдæппæтæй 24 – дзул, æхсыр, дыргътæ æмæ халсартæ, кърупатæ, сæкæр, айчытæ æмæ нæлхæ. Æппæтуæрæсеон адæмон фронт сæрмагондæй рацыд, цæмæй сбæрæг кæнæ егъау дуканиты тæрхæджытæ.
Ахæм куыст активисттæ кæнынц æрвылкъуыри. Канд æргътæм цæст нæ дарынц, фæлæ ма бæрæг кæнынц, фыццаградон хойраджы продукци тæрхæджытыл ис æви нæ, уый. Фæлхасгæнджытæ куыд зæгъынц, афтæмæй æргътæ куыд уыдысты, афтæ сты. Хицæн продукцийы аргъ та ма асламдæр фæцис.
Æппæтуæрæсеон адæмон фронты минæвæрттæ бабæрæг кодтой 3 дуканийы. Æмæ æхсызгонæй бафиппайдтой, иуæй-иу хицæуттæ канд æргътыл нæ хæцынц, фæлæ ма хицæн товарты æргътæм уæлæмхасæн аргъ нæ бафтыдтой.
Товары аргъ аразгæ у цалдæр æфтауæнтæй. Фыццаджыдæр йæ хæрдзтæ, цы аргъæй йæ балхæдтой æмæ сæхи æфтауæн, цæмæй хъалонтæ, транспорт, арендæ æмæ æндæр хæрдзтæ сæ бон бафидын уа. Фæлæ уымæй уæлдæр аргъыл бафтæуæн ницы хуызы ис, зæгъынц специалисттæ
Цæстдард кæм æрцыд, уым алы дуканийы дæр хъæдындз фæзынаргъ, иннæ товарты аргъ у алыхуызон. Æппæтуæрæсеон адæмон фронты уæнгтæ рейдæн скæндзысты хатдзæгтæ æмæ сæ арвитдзысты антимонополон службæмæ. Ныртæккæ уæззау эпидемиологон уавры æргъты фарста ахсджиаг у куыд экономикæйæн, афтæ социалон рæзтæн.
