Уыдон сты, абоны сæрмагонд уавæрты аххосæй чи нæ кусы, æмæ æфтиаг кæй бинонтæм нал хауы, уыдон
Кæд дæ бон у, уæд æххуыс кæн. Ахæм хъуыдыйыл хæст у Паддзахадон Думæйы депутат Таймазты Артур. Йæ хъæппæрисæй нæ республикæйы 300 бинонтæ райстой хойраджы продукттæ. Уыдон сты, абоны сæрмагонд уавæрты аххосæй чи нæ кусы, æмæ æфтиаг кæй бинонтæм нал хауы, уыдон. Æрмæст Ногиры сты 60 бинонтæ.
Бархионтæ æмбырд кæнынц хойраджы хызынтæ. Тоннæ æмæ рдæгæй фылдæр дзидза, 600 айчы, 1 мин килæйы картоф, уыйас хъæдындз. Æппæт ацы продукттæ æрвыст æрцæудзысты, пандемийæйы рæстæг æнæ фтиагæй чи баззад, уыцы бинонтæн. Уый у паддзахадон Думæйы депутат Таймазты Артуры хъæппæрис.
Æххуысхъуаг бинонтæм Таймазты Артуры командæ фæкаст дыккаг хатт. Республикæйы æппæт районтæй æххуыс райстой 300 бинонтæ.
Æрмæст Ногиры æххуыс райстой 60 хæдзары. Продукттæ æрбаластой пенсиисæг Галина Малолетккинайæн. Сылгоймаг у 2-аг къæпхæны инвæлид, хæдзарæй æддæмæ нæ цæуы æмæ ацы æрхъуыдыйæ у тынг разы.
Багаты Олег æххæст кæны абоны фæтк, хæдзарæй æддæмæ нæ цæуы. Куадзæны агъоммæ йын æрбаластой сæрмагонд продукттæ. Æмæ зæгъы бузныг, кæй йæ рхъуыды кодтой, уый тыххæй.
Продукттæм цæуын никуыдæм хъæуы, Таймазты Артур сиды адæммæ, цæмæй бадой сæ хæдзæртты, хойраг та сын баласдзысты сæ хæдзæрттæм.
Акци сæххæст кæнынæн æххуыс сты ресурсон центр «Добровольцы Кавказа»-йы бархионтæ. Лæппутæ æмæ чызджытæ дих кæнынц хойраг, æмæ сæ хæццæ кæнынц æххуысхъуаг бинонтæм. Абоны зын уавæрты та кæрæдзиуыл аудындзинад уæлдай тынгдæр хъæуы, уый баххуыс кæндзæн коронавирус дарддæр ма парахат кæныны хъуыддаджы.
