20 апреля 2020, 16:04
Республикæйы тагъд æххуысы клиникон рынчындонмæ баластой 28 адæймаджы
Ахæм бæрæггæнæнтæ фехъусын кодта Цæгат Ирыстоны æнæниздзинадхъахъхъæнынады министрад
Фæстаг суткæмæ республикæйы тагъд æххуысы клиникон рынчындонмæ баластой 28 адæймаджы. Ахæм бæрæггæнæнтæ фехъусын кодта Цæгат Ирыстоны æнæниздзинадхъахъхъæнынады министрад. Афтæмæй 20-æм апрелы онг коронавирусы инфекцийæ гуырысхо кæуыл кæнынц, уыдоны нымæц у 137 адæймаджы, 15-æй улæфынц рæуджытæ кусынгæнæн аппараты фæрцы.
Уæ зæрдыл уын æрлæууын кæндзыстæм, фæстаг бæрæггæнæнтæм гæсгæ, Цæгат Ирыстоны раиртæстой 177 адæймаджы COVID -19-ы диагнозимæ. 143 адæймаджы сты сæ хæдзæртты хи изоляцийы фæткы. Кæсынц сæм дохтыртæ. 9 адæймаджы сдзæбæх сты, 2 та амардысты. Æдæппæтæй та изоляцийы домæнтæ æххæст кæнгæйæ, медицинон цæстдард цæуы 1075 адæймагмæ.
