Ацы бонмæ раиртæстой 5 закъонхæлдæй фылдæр
Медицинон маскæтæй, æрмкъухтæй, æмæ дизенфекцигæнæн фæрæзтæй æхсæнадон транспорты шофыртæ куыд æххæстгонд сты, уый сбæрæг кæныны тыххæй радон рейды рацыдысты бæрнон кусджытæ. Республикæйы транспорты министрады æмæ фæлхасадмæ цæстдарды управленийы специалисттæ æрмæст маршруттæм нæ дарынц сæ цæст, фæлæ ма мониторинг кæнынц кæройнаг æрлæууæнтæ дæр. Ацы бонмæ раиртæстой 5 закъонхæлдæй фылдæр.
Дзæуджыхъæуы æхсæнадон транспорты куыст бæрæг кæнынц 11-æм апрелæй фæстæмæ. Фæлхасадмæ цæстдарды управленийы домæнтæ се ппæт шофыртæ не ххæст кæнынц. Медицинон маскæтæ, æрмкъухтæ, дезинфекцигæнæн фæрæзтæ сты æнæмæнг хъæугæ.
Иумæйаг рейд уыцы-иу рæстæг цалдæр структурæйæн. Ахæм æмгуыстаты фæрцы сбæрæг кæнынц, сæвзæрд уавæрмæ куыдфæндыйы цæстæй чи кæсы, ахæм шофыртæ. Рейдтæ цæуынц æрвылбондæр.
Фæлæ бæлццæттæ дæр сæхæдæг нæ тагъд кæнынц профилактикон мадзæлттæ æххæст кæнынмæ. Салоны медицинон маскæтимæ стæм адæймæгтæ. Шофырты куыстæй та сты разы.
Маршрутон такситæм домæнтæ сты бæлвырд. Салоны хъуамæ 8 адæймагæй фылдæр ма уа. Бестауты Шота у фæлтæрдджын шофыр. Бæлццæтты ласы ныр 10 азæй фылдæр. Абон фæлхасадмæ цæстдарды управленийы домæнтæ нæ сæххæст кодта фыццаг хатт.
Республикæйы транспорты министрады æмæ фæлхасадмæ цæстдарды управленийы специалисттæ æрмæст маршрутмæ нæ дарынц сæ цæст, фæлæ ма мониторинг кæнынц кæройнаг æрлæууæнтæ дæр. Ацы бонмæ 5 закъонхæлдæй фылдæр.
Фæлхасадмæ цæстдарды управлени бæрæг кæны документаци. Ахæм рейдты рæстæг иу бонмæ рабарæг кæнынц 8 закъонхæлды онг, скæнынц акттæ. Æнæмæнг домæнтæ сты фæдзæхстадон гæххæтт, путевкæ, диагностикон картæ æмæ маршруты фæткы схемæ.
Ахæм профилактикон мадзæлттæн ис хорз хатдзæгтæ. 10 бонмæ закъонхæлдтытæ зынгæ фæкъаддæр сты.
