Ныртæккæ цæуы слест, агурынц, ацы фыдракæндмæ бар чи дары, уыдоны
Уæрæсейы национ гвардийы æмæ мидхъуыддæгты министрады оргæнты ныхмæ быцæудзинады тыххæй байгом кодтой уголовон хъуыддаг. Слестгæнджыты бæрæггæнæнтæм гæсгæ, 20-æм апрелы, 12 сахатмæ хæстæг республикæйы Хицауады хæдзары цур Сæрибары фæзы цы æнæзакъон æмбырд арæзт æрцыди, уым æрæмбырд дыууæ мин адæймагмæ хæстæг.
Домдтой, республикæйы Сæргълæууæг æмæ Хицауады цæмæй ацæуой отставкæйы. Уæрæсейы нацон гвардийы æмæ мидхъуыддæгты министрады уæнгтæ æмбырды архайджыты урæдтой, æмæ сын сæ зæрдыл лæууын кодтой æмбырд æнæзакъон кæй у, æмæ йын фæстиуджытæ кæй уыдзæи, уый. Дзырдтой сын, цæмæй ныххæлиу уой. Фæлæ адæм ацæуыны вæнд нæ кодтой. Уæд барадхъахъхъæнæг оргæнтæ спайда кодтой сæрмагонд фæрæзтæй, цæмæй æмбырд апырх уа.
Фæстæдæр, æбæрæг адæм зиан æрхастой барадхъахъхъæнæг оргæнтæй 13 адæймагæн. Ныртæккæ цæуы слест, агурынц, ацы фыдракæндмæ бар чи дары, уыдоны.
