23 апреля 2020, 16:03
Бархионты фарсмæ æрбалæууыдысты автоволонтертæ дæр
Ныр къуырийы бæрц сывæллæтты æхсыры хæринаг ласынц, 3 азы онг кæуыл цæуы, ахæм бинонтæм
Адæмы иу чи кæны, ахæм хорз хъуыддæгтæ. Волонтерты регионалон штаб фæуæрæхдæр. Бархионты фарсмæ æрбалæууыдысты автоволонтертæ дæр.
Ныр къуырийы бæрц сывæллæтты æхсыры хæринаг ласынц, 3 азы онг кæуыл цæуы, ахæм бинонтæм. Алы бон дæр ацæуынц 15 адрисмæ гæсгæ. Æдæппæтæй сты 10 машинæйы, фæлæ ма сын æххуыс кæнынц хи изоляцийы фæткы чи ис, уыдонæн. Бархионтæм йæ курдиат бахаста куыстуат «Сывæллæтты æхсыры продукцийы цæлгæнæны» директор. Раздæр ахæм куыст кодтой «Сырх дзуары» волонтертæ. Мæйы куыстмæ проект #МЫВМЕСТЕ бакодта 2000 хорз хъуыддагæй фылдæр.