27 апреля 2020, 14:30
Æнæнхъæлæджы уавæрты министрады кусджытæ санитарон домæнтæ сæххæст кодтой Дзæуджыхъæуы æфсæнвæндаджы вокзалы
Дезинфекци скодтой æнхъæлмæ кæсæн зал, кассæтæ æмæ хæстæгдæр фæзуат
Æнæнхъæлæджы уавæрты министрады цæгатирыстойнаг хайады кусджытæ санитарон домæнтæ сæххæст кодтой Дзæуджыхъæуы æфсæнвæндаджы вокзалы. Дезинфекци скодтой æнхъæлмæ кæсæн зал, кассæтæ æмæ хæстæгдæр фæзуат. Специалисттæ спайда кодтой спъирт æмæ хлор кæм ис ахæм фæрæзæй. Æнæнæхъæлæджы уавæрты министрад ныронг бакуыста сæдæгæй æхсæнадон бынаты. Эпидемийы ныхмæ мадзæлттæ арæзт цæуынц муниципалитетты администрацитимæ æмæ коронавирусы ныхмæ арæзт оперативон штабимæ æмархайд кæнгæйæ. Дезинфекци цы объекттæ скодтой, уыдоны иумæйаг фæзуат ахсы 45 мин квадратон метры. Куыстытæ цæудзысты, цалынмæ уавæр нæ фæхуыздæр уа, уæдмæ.