Бынæттон цæрджытæ акци расидтысты, Битарты Вячеславы фарс кæй хæцынц, уый равдисыны фæдыл
Ирыстоны тырыса – республикæйы Сæргълæууæджы фарсхæцты нысан. Ацы бонты Мызуры поселочы хæдзæртты рудзгуытæ æмæ балкъонтæ саив кодтой алайнаг тырысатæ. Бынæттон цæрджытæ акци расидтысты, Битарты Вячеславы фарс кæй хæцынц, уый равдисыны фæдыл. Сæхæдæг куыд зæгъынц, афтæмæй йæ куыстæй сты разы.
Мызуры поселочы хæдзæртты рудзгуытыл æмæ балкъонтыл ныртæккæ хуымæтæг нывтæ нæ фендзынæ. Бынæттон цæрджытæ сыл æрцауыгътой Ирыстоны тырысатæ æмæ сыл ныффыстой, Битарты Вячеславы фарс кæй сты, уый.
Республикæйы сæргълæууæджы куыст поселочы цæрджытæ нымайынц иттæг хорзыл. Уымæн æмæ сын у ахсджиаг, адæммæ хæстæг кæй у, стæй сын сæ фарстатæ лыг кæныныл кæй архайы, уый.
Уæвгæ, фæстаг азты поселочы æрцыдис зынгæ ивддзинæдтæ. Фæзындысты сæм, сæ уæгъд рæстæг кæм æрвитой, ахæм бынæттæ æмæ уавæртæ. Сцалцг кодтой скъола, рæвдауæндон æмæ спортивон зал. Уæдæ ног спортивон фæзы сæ рæстæг æхсызгонæй æрвитынц сывæллæттæ æмæ хистæр кары адæм дæр. Ныртæккæ та кæронмæ фæхæццæ кæны фæсивæдон клубы арæзтад.
Мызуры цæрджытæй бирæтæн ацы акцийы бацархайын нæ бантыст, уымæн æмæ сæм уыйбæрц тырысатæ нæ уыди. Фæлæ фидарæй зæгъынц, Битарты Вячеславы фарс æнæ уымæй дæр кæй сты, уый.
