Туг хуымæтæг биологон хомаг нæу, уымæ гæсгæ æххæст кæнын хъæуы хицæн домæнтæ
Туджы иу æртах аирвæзын кæндзæн адæймаджы цард. Ацы ныхасы нысан хорз æмбарынц дохтыртæ æмæ донортæ. Коронавирусы уавæрты йæ ахадындзинад нæ фæкъаддæр, фæлæ ма ноджы фылдæр хъæуы. Туг хуымæтæг биологон хомаг нæу, уымæ гæсгæ æххæст кæнын хъæуы хицæн домæнтæ.
Фæстаг мæй Цориты Зæринæйæн ацы фæтк сси æнæмæнг æххæстгæнгæ. У тугдæттыны станцæйы медицинон хо. Кусæнуатмæ чи æрбацæуы, уыдонæн хицæнтæй сбары сæ буары тæвд æмæ къуыхтæ пырх кæны дезинфекцигæнæн фæрæзæй. Уый куыд донортæн, афтæ станцæйы кусджытæн
Ахæм мадзæлттæй пайда кодтой карантины размæ дæр, уымæн æмæ ам хъуамæ алцыдæр уа иттæг сыгъдæг, ныр та домæнтæ фæкарздæр кодтой.
Кæд ныртæккæ адæм сты хииппæрд, уæддæр цæуынц туг дæттынмæ. Иутæ дзы æххæст кæнынц дохтыры курдиат. Рох кæнын нæ хъæуы, коронавирусæй фæстæмæ ма кæй ис æндæр рынчынтæ дæр, туг кæмæн хъæуы раттын. Светлана Романова ацы бæстыхайы фæстаг аз арæх вæййы. Ацы хатт æрбацыд тромбоцид раттынмæ.
Станцæ республикæйы рынчындæттæ ифтонг кæны æнæмæнг хъæугæ æрмæджытæй. Абоны бонмæ туг æмæ плазмæйæ цух не ййафæм. Æвæрд сты эскпедицийы хайады.
Туг чи исы, уыцы специалисттæ адæммæ хæстæг нæ лæууынц. Процедурæйæн радих кодтой хицæн бæстыхай, хицæн бацæуæнимæ.
