Санитарон домæнтæ куыд æххæстгонд цæуынц, уый базоныны тыххæй
Уæрæсейы фæлхасадмæ цæстдарды цæгатирыстойнаг Упраленийы специалисттæ сарæзтой радон рейд, санитарон домæнтæ куыд æххæстгонд цæуынц, уый базоныны тыххæй.
Бабæрæг кодтой аивгæнæн салонтæ. Куыд зонут, афтæмæй сæ нæ республикæйы байгом кодтой официалон æгъдауæй. Кусынц, æдасдзинады æппæт домæнтæ æххæст кæнгæйæ. Фыццаг цы куыстуатмæ бацыдысты, уым мастертæ фæллой кæнынц радыгай, цæмæй æххæст кæной социалон дистанци. Адæм æрбацæуынц бæлвырд рæстæгмæ, ис сын сæрмагонд фæтк. Бæстыхайæн дезинфекци скæнынц ультрафиолеты рухсгæнæнæй. Уæдæ дарддæр кусынц, æнæмæнг хъæугæ продукттæ чи уæй кæны, ахæм дуканитæ. Хойраджы продукттæ æмæ æндæр хъæугæ фæрæзтæ хъуамæ уæйгонд цæуой дуканимæ бацæуæны раз, цæмæй фæлхасгæнæг бæстыхайы бирæ рæстæг ма уа, уый тыххæй.
Фæлхасадмæ цæстдарды Управленийы специалисттæ се ппæты зæрдыл лæууын кæнынц, мастертæ æмæ уæйгæнджытæ хъуамæ дарой маскæтæ æмæ æрмкъухтæ, æххæст кæной дистанцийы домæнтæ. Уымæй дарддæр алы сахат дæр хъæуы дезинфекцион таддагæй сæрфын дуæртты хæцæнтæ, тæрхæджытæ, чыргъæдтæ, кассæтæ. Алы бон дæр барынц кусджыты буары тæвд, бæстыхæйттæ æфснайын. Ахæм рейдтæ фæлхасадмæ цæстдарды Управленийы специалисттæ аразынц къуыри иу хатт.
