Социалон хъахъхъæнынады бынæттон хайады райстой фæкæсынхъуаг адæмы хыгъдтæ, æмæ сын архайынц се ххуысы къух бадарыныл
Ацы рæстæг сæ активон граждайнаг цæстæнгас æвдисынц волонтертæ дæр. Стыр куыст кæнынц Дыгуры районы. Социалон хъахъхъæнынады бынæттон хайады райстой фæкæсынхъуаг адæмы хыгъдтæ, æмæ сын архайынц се ххуысы къух бадарыныл. Сæ фарс рахæцыдысты фæсивæды социализацийы центры уæнгтæ дæр. Хорз уаид бынæттон администраци волонтерты куыстмæ тынгдæр æргом куы здахид, уæд.
Ацы мæйы райдиан Дыгуры районы амалхъом адæм æрæмбырд сты, æмæ рахастой уынаффæ фæкæсынхъуаг адæмæн баххуыс кæныны тыххæй. Иу бонмæ æрæмбырд кодтой 2 милуан сомы, æмæ сæ байуæрстой æххуысхъуаг бинонтыл. Уый сын фыццаг хатт нæу. Уæвгæ ахæм бинонты нымæц районы чысыл нæу. Уымæй дарддæр 65 азæй фылдæр кæуыл цæуы, ахæмтæ дæр. Хæстæгдæр рæстæг нысан кæнынц хойраджы продуктты 800 хызынæй фылдæр байуарын.
