3 кусæнгарзы сты Хуссар Ирыстонæй, 5 та промышленносты æмæ базарады федералон министрады хъæппæрисæй
Цæгат Ирыстонмæ ма æрбафтыд, рæуджытæ чи кусын кæны, ахæм 8 аппараты. 3 кусæнгарзы сты Хуссар Ирыстонæй, 5 та промышленносты æмæ базарады федералон министрады хъæппæрисæй.
Хæстæгдæр бонты ма æрбаласдзысты ноджыдæр 3. Ног техникæ байуардзысты Тагъд æххуысы æмæ республикон клиникон рынчындæттыл. Ам дзæбæх кæнынц коронавирусæй рынчынты. Дохтыртимæ æмбырд арæзт уыд видеобастдзинады фæрцы. Битарты Вячеслав йе ргом аздæхта рынчындæтты ифтонгдзинадмæ хъæугæ препараттæй æмæ хи хъахъхъæныны фæрæзтæй. Фæсидт, цæмæй медицинон персонал сæ уæлæмхасæн мызд æнæкъуылымпыйæ исой. Республикæйы сæргълæууæг фехъусын кодта, 6-æм майæ тагъд æххуысы бригадæты мыздыл кæй бафтдзæн.
