11 мая 2020, 16:39
Битарты Вячеславы уынаффæмæ гæсгæ, транспорт æмæ дуканитæм æнæ медицинон маскæтæй цæуын нал уыдзæнис
Домæнтæ куыд æххæстгонд цæуынц, уымæ цæст дардзысты транспорты æмæ экономикæйы министрæдтæ, стæй бынæттон хиуынаффæйады оргæнтæ
Райсомæй фæстæмæ Цæгат Ирыстон рахиздзæнис хи бахъахъхъæныны карз фæткмæ. Битарты Вячеславы уынаффæмæ гæсгæ, транспорт æмæ дуканитæм æнæ медицинон маскæтæй цæуын нал уыдзæнис. Документмæ гæсгæ, 12 майæ фæстæмæ такситы, æхсæнадон транспорты, базарадон бынæтты хъæудзæнис æнæмæнгæй пайда кæнын респиратортæй кæнæ маскæтæй, стæй резинæ æрмкъухтæй. Домæнтæ куыд æххæстгонд цæуынц, уымæ цæст дардзысты транспорты æмæ экономикæйы министрæдтæ, стæй бынæттон хиуынаффæйады оргæнтæ.
