Машинæты салонтæ ифтонг сты дезинфекцион фæрæзтæй, шофыртæ дарынц маскæтæ æмæ æрмкъухтæ
Ныры уавæртæ хынцгæйæ, уæлдай къæрцъхъус сты æхсæнадон транспорты шофыртæ æмæ бæлццæттæ. Машинæты салонтæ ифтонг сты дезинфекцион фæрæзтæй. Шофыртæ дарынц маскæтæ æмæ æрмкъухтæ. Фæлæ сæ арæх иумæ цæуын бахъæуы, бæрнондзинад кæмæ нæ хæццæ кæны, ахæм бæлццæттимæ.
ДзуццатыИгорь фæлтæрдджын шофыр у. Алы бон дæр рацæуы 22-æм маршрутыл. Ныры уавæртæ хынцгæйæ, йæ бон æмæ ма суанг алы рейс дæр райдайы æнæмæнг дезинфекцион куыстæй. Уымæй фæвæййы йæ алы кусгæ бон дæр. Йæ къухты кæддæриддæр дезинфекцион фæрæзты таддаг. Йæхæдæг куыд зæгъы, афтæмæй маскæ æмæ æрмкъухтæ фæдары æппынæдзухдæр, фæлæ йæ бæлццæттæ та арæх уыцы домæнтæ не ххæст кæнынц.
Уымæ гæсгæ хъæуы къæрцъхъус уæвын.
Практикæ куыд амоны, афтæмæй арæх иумæ цæуын бахъæуы, бæрнондзинад кæмæ нæ хæццæ кæны, ахæм адæмимæ.
Ис ахæмтæ дæр, дезинфекцион фæрæзтæ зынаргъ сты, зæгъгæ, чи дзуры.
Шофыр йæхæдæг куыд зæгъы, афтæмæй йæхимæ ис алы антисептик дæр, стæй маскæтæ. Фæлæ сæ бæлццæттæн тыххæй кæнын кæнын йæ бон нæу.
Республикæйы промышленносты æмæ транспорты министрады зæгъынц, фæлхасадмæ цæстдарды управлениимæ иумæ шофыртæн байуæрстой амынддзинæдтæ. Домæнтæ куы не ххæст кæной, уæд сын фидын кæндзысты ивар.
Сæрмагонд домæнтæ хъуамæ æххæст кæной бæлццæттæ дæр, цалынмæ бæлвырд æфхæрæн мадзæлттæ нæ баййæфтой, уæдмæ.
