Зын уавæры чи бахауди, ахæм адæмы фиддонтæн радих кодтой 30 милуан сомы
Рæуджытæ чи кусын кæны, ахæм аппараттæ, компьютерон томограф, республикæйы клиникон æмæ Æрыдоны районы рынчындонты уæлæмхасæн сынтæджытæ. Проект хицауадимæ æргом ныхасы проекты фæлгæты, Тускъаты Таймураз дзуæппытæ радта журналистты фæрстытæн.
Зын уавæры чи бахауди, ахæм адæмы фиддонтæн радих кодтой 30 милуан сомы. Баххуыс кæндзысты, курдиат чи балæвæрдта уыдонæн, сты 3 мин адæймаджы бæрц. Хицауады сæрдар йе ргом аздæхта дохтыртæ цæттæ кæныны хъуыддаг цы æмвæзадыл ис, уымæ. Йæ ныхæстæм гæсгæ, ныртæккæйы уавæр хынцгæйæ, дохтыртæ хъуамæ цæттæ уой алывæрсыг куыстмæ.
Æрныхас кодтой хи изоляцийы фæтк адарддæр кæныны фарстатыл дæр. Абонæй фæстæмæ алчидæр хъуамæ æнæмæнгæй дара маскæтæ. Домæнтæ чи не ххæст кæна, уыдоны кæндзысты ивар. Стыр базарадон центртæм æнæ маскæтæй æмæ æрмкъухтæй бацæуыны бар нæ уыдзæн, адæмæн сæ дæтдзысты объектмæ бацæуæны. Ныхас цыди, цæмæй адæм зиантæм къаддæр цæуой, æмæ кæрæдзийы ма рынчын кæной.
Премьер министр куыд загъта, афтæмæй æнусон æгъдæуттæ халын æнцон нæу, фæлæ рæстæгмæ ацы хъуыддаг хъуамæ алчидæр бамбара.
