филиал вгтрк государственная телерадиовещательная компания “Алания”

Мидхъуыддæгты Министрады æмæ Уæрæсейы фæлхасадмæ цæстдарды республикон Управленийы кусджытæ рацыдысты радон рейды. Ацы хатт бæрæг кодтой Дзæуджыхъæуы æхсæнадон бынæттæ, дуканитæ æмæ æндæр объекттæ. Адæмæн дзырдтой, æнæ хъахъхъæнæн фæрзæтæй, маскæтæй æмæ æрмкъухтæй цæуын кæй не мбæлы, уый. Бирæ адæм кæм æмбырд кæны, ахæм бынæтты сты æнæмæнг хъæугæ, фæлæ дæ алфамбылай кæд ничи ис, уæд сæ раласæн ис.  Рейды рæстæг куыд бафиппайдтой, афтæмæй фæстаг рæстæг горæты цæрджытæ фылдæр æргом здахын райдыдтой æдасдзинады домæнтæм. Афтæмæй хъахъхъæнынц сæхи, æмæ хиуæтты дæр.