13 мая 2020, 16:10
Социалон лæггæдты комплексон центры кусджытæ æмæ адæмон фронты уæнгтæ бабæрæг кодтой ветеранты
Балæвар сын кодтой хæдзары хъæугæ техникæ
Дзæуджыхъæуы Ирыстойнаг зылды социалон лæггæдты комплексон центры кусджытæ æмæ Æппæтуæрæсеон адæмон фронты регионалон хайады уæнгтæ бабæрæг кодтой Фыдыбæстæйы Стыр хæсты ветеранты, æмæ сын балæвар кодтой хæдзары хъæугæ техникæ. Организацийы зæгъынц, бинонтимæ сын æппынæдзухдæр кæй вæййы бастдзинад. Баххуыс кæнын сын бантыст, акци «Ветерантыл аудындзинад» æххæст кæнгæйæ. Фронты фæсчъылдымы архайæг Гугкаты Æхсарбегæн æмæ Фыдыбæстæйы Стыр хæсты архайæг Гуыбаты Константинæн балæвар кодтой ног пецтæ. Лæвæрттæ ракæнын бантыст спонсорты æххуысæй. Уымæй дарддæр фронтовиктæм æнхъæлмæ касти цымыдисаг мадзал. Сæрмагондæй кадджын хистæртæн фæсивæд азарыдысты хæстон зарджытæ.
