филиал вгтрк государственная телерадиовещательная компания “Алания”

Республикæйы диализы центры пандемийæйы рæстæг пайда кæнынц æдасдзинады ног мадзæлттæй. Уæлдæф чи сыгъдæг кæны, ахæм аппараттæ ныр кусынц суткæйы дæргъы. Маскæтæ, æрмкъухтæ æмæ бахилæтæ дæттынц объектмæ бацæуæны. Алкæмæндæр барынц сæ тæвд. Рынчынтæн æнæмæнг хъæугæ процедурæтæ кæнынц къуыри æртæ хатты. Кæд мыййаг искæмæ коронавирусы æууæлтæ разына, уæд уыцы рынчынтæн фæлæггад кæнынц хицæн кабинетты. Ахæм пациенттæ медицинон дзæбæхгæнæндонмæ бацæуынц æндæр уылты.