филиал вгтрк государственная телерадиовещательная компания “Алания”

Уæрæсейы фæлхасадмæ цæстдарды республикон Управленийы эксперттæ инспекци скодтой, карз нозт кæм уæй кæнынц, уыцы дуканитыл. Сæ куыст райдыдтой алкомаркетты регионалон хызы дуканитæй. Уымæн æмæ ведомствойы минæвæртты ныхæстæм гæсгæ, уырдыгæй цыди бирæ хъæстытæ Цæгат Ирыстоны цæрджытæй. Ома дзы коронавриусы ныхмæ æдасдзинады мадзæлттæ не ххæст кæнынц, зæгъгæ. Дуканиты иртасæн куыст куыд рабæрæг кодта, афтæмæй хызы разамынд уыйхыгъд æххæст кæны æппæт мадзæлттæ. Бæлвырддæр та дарынц тæвд барыны журнал, фæлхасгæнджытæй та домынц, цæмæй бæстыхайы мидæгæй дарой хъахъхъæнæн маскæтæ, пайда кæной дезинфекцион фæрæзтæй æмæ æххæст кæной социалон дистанци.