Хæзныдоны Урухы цæугæдоны сæрты ногарæзт хиды асфальт афаз
Рæдыдтытыл куыст, фæлæ йæ экспертизæ рæдыдыл нæ нымайы. Афæдзы рдæгмæ Хæзныдоны Урухы цæугæдоны сæрты ногарæзт хиды асфальт афаз. Зæгъынц, бирæ кæй рауарыд, уый аххосæй. Бынаты уыд не сфæлдыстадон къорд дæр.
Афæдзы æмбис нæ рацыд, æмæ ног арæзт хид афаз. Уымæ æвдисæн соицалон хызæгты хи ист видео.
113 метры арæзтад кадджын мадзал байгом ивгъуыд азы декабры кæрон. Куыстытæн æхца – 570 милуан сомы радих кодтой федералон бюджетæй.
Республикæйы фæндæгты хæдзарады комитеты разамонæг Солиты Тариэль куыд загъта, афтæмæй экспертизæйы хатдзæгтæм гæсгæ арæзтады рæстæг сæххæст кодтой проектты æппæт домæнтæ.
Гæнæн ис æмæ ацы хай дæлдæр æмвæзадыл у æмæ уарындæттæ сæмбырд сты ацы ран.
Кæд фæндæгты хæдзарады комитет подрядон организацимæ ницы уайдзæф хæссы, уæддæр сæ ныр цалцæггæнæн куыстытæ хъæуы сæхи фæрæзтæй скæнын.
Специалисттæ куыд зæгъынц, афтæмæй хидæн йæ конструкци нæ фæтасыд. Уарынтæ бахъыгдардтой асфальтæн йæ иу хайы уæлцъар. Ныр цалцæггæнæн куысты рæстæг ма сараздзысты ноджыдæр иу дондзæуæн. Куыстытæ хъуамæ фæуой 25 маймæ.
