Администрацийы кусджытæ фыццаг хатт нæ бæрæг кæнынц Дзæуджыхъæуы базаргæнæнтæ
Куыд æххæст кæнынц санитарон домæнтæ Дзæуджыхъæуы базаргæнæнты, уый сбæрæг кæныны фæдыл фæлхасадмæ цæстдарды цæгатирыстойнаг управленийы уæнгтæ æмæ Дзæуджыхъæуы Рахизфарсы районы префектурæйы кусджытæ сарæзтой радон рейд
Маскæтæ, æрмкъухтæ, дезинфекци кæнæн таддаг – алцыдæр, пандемийæйы рæстæг хи бахъахъхъæнынæн цы хъæуы, уыцы фæрæзтæ дуканигæстæм ис. Уæрæсейы фæлхасадмæ цæстдард цы домæнтæ æвæры базаргæнæнты размæ, уыдон æнæмæнг æххæст кæнын хъæуы .
Дзидза кæм уæй кæнынц, уыцы бæстыхаймæ æнæ маскæтæй нæ уадзынц. Уымæй уæлдай уæйгæнджытæ радзырдтой, æрвылбон сын сæ буары тæвд кæй сбарынц, уый. Фæлæ уæддæр цæстдарæн оргæнтæ ссардтой хъæндзинæдтæ.
Администрацийы кусджытæ фыццаг хатт нæ бæрæг кæнынц Дзæуджыхъæуы базаргæнæнтæ. Хицæн амынддзинæдтæ сæххæст кодтой, фæлæ ма ис æнæлыггонд фарстатæ.
Фæлхасадмæ цæстдарды рейдтæ арæзт цæуынц, цæмæй адæмæн
æмбарын кæной, абоны уавæрты куыд ахсджиаг у санитарон домæнтæ æххæст кæнын,
уый.