Ведомствойы кусджытæ инспекци скодтой Куйбышевы уынджы базаргæнæн бынæттыл
Уæрæсейы фæлхасадмæ цæстдарды республикон Управленийы специалисттæ рацыдысты радон рейды Дзæуджыхъæуы базарадон объекттыл. Ведомствойы кусджытæ инспекци скодтой Куйбышевы уынджы базаргæнæн бынæттыл. Федтой, тæвд барыны журналтæй, хи хъахъхъæнæн фæрæзтæй куыд æххæстгонд сты, уый. Уымæй дарддæр дезинфекци куыд арæх кæнынц, стæй адæм социалон дистанци куыд æххæст кæнынц, уый.
Стыр æргом аздæхтой, уæйгæнджытæ низ парахат кæныны тыххæй профилактикон мадзæлттæ куыд æххæст кæнынц, уымæ. Эксперттæ куыд радзырдтой, афтæмæй фæстаг рæстæг республикæйы цæрджытæ сæхи æвдисынц бæрнондзинад. Фæлæ уæддæр профилактикæйы мадзæлттæ кæронмæ чи не ххæст кæны, уыдонимæ кæнынц æмбарынгæнæн куыст, цæмæй коронавирусы инфекци дарддæр ма парахат кæна, уый тыххæй.