Суткæмæ 9 сæдæ дзæнгæрæгæй фылдæр
Пандемийæйы рæстæг адæм тагъд æххуысы станцæмæ дзурынц æртæ хатты фылдæр. Суткæмæ 9 сæдæ дзæнгæрæгæй фылдæр. Медикаменттимæ къуылымпыдзинæдтæ нæй. Фæлæ хатгай афтæ рауайы, æмæ рынчын тагъд æххуысы бригадмæ фенхъæлмæ кæсы æнæхъæн суткæ. Цæмæн афтæ рауайы, уый равзарыныл бацархайдтам нæ программæйы.
Æмæ ахæм дзæнгæрджытæ диспетчертæ суткæмæ исынц 9 сæдæйы онг. Сæ нымæцмæ гæсгæ, раздæрау фылдæр дзæнгæрджытæ цæуы коронавирусы тыххæй. Закъонмæ гæсгæ, хъуамæ алкæмæндæр дихгонд æрцæуа рæстæг. Фæлæ практикæ куыд амоны, афтæмæй фылдæр хатт рынчынæн йæ уавæр уæззау нæ вæййы, æмæ йæ уæд æххуысагур арвитынц поликлиникæмæ. Адæмæй бирæтæ тæрсынц, æмæ гыццыл дæр сæхи æвзæр куы банкъарынц, уæд дзурынц тагъд æххуысы дохтыртæм. Уымæ гæсгæ, æцæгæйдæр дохтыры æххуыс кæй хъæуы, уый бригадмæ æнхъæлмæ кæсын бахъæуы суткæйы дæргъы. Афтæмæй системæйы рауайы къуылымпыдзинæдтæ. Зæгъы тагъд æххуысы станцæйы хистæр дохтыр Беккуызарты Зинæидæ.
Селектормæ гæсгæ хъусынгæнинæгтæ алы сахат дæр. Алы дæлхайæдтæ дæр хъуамæ цæттæ уой æххæстæй.
Беккуызарты Зинæидæмæ фæлтæрддзинад ис 45 азы. Республикæйы цæрджытæн зæгъы, цæмæй сæхи ма тæрсын кæной. Зæрдыл лæууын кæны, тагъд æххуысы дохтыртæм бадзурыны тыххæй хъуамæ адæймаг æцæгæйдæр йæхи æнкъара æвзæр. Уыимæ рох кæнын нæ хъæуы, æппæты хуыздæр профилактикæ у хи изоляцийы фæтк. Дохтыртæн та сæхи бахъахъхъæныны фæрæз у æрмæстдæр санитарон домæнтæ æххæст кæнын. Уый та, æдасдзинады костюм дарын. Раст зæгъгæйæ дзы у тынг тæвд, адæймагæн дзы йæ бон куыд æй фæнды, афтæ архайын нæу, фæлæ йæ дарын хъæуы æнæмæнгæй.
Комбинезон, респиратор, кæсæнцæстытæ, бахилæтæ æмæ æрмкъухтæ. Ахæм костюм скæнын иу сменæмæ дохтыры бахъæуы 20 хаттæй фылдæр.
Тагъд æххуысы станцæйы дохтыр Кристина Туманова æмæ фельдшер Дзыныхты Ноннæ абон кусынц иумæ. Уымæ гæсгæ, сæ кæрæдзийæн сæ бон у баххуыс кæнын. Медицинон кусæнгæрзтæ райстай, æмæ дæ фæндаг раст. Æппæт зындзинæдтæ хуынцгæйæ, кæй зæгъын æй хъæуы, æнцон нæу, фæлæ дохтыртæ архайынц сæ куыст æнæзæрдæхудтæй æххæст кæныныл.
