26 мая 2020, 16:56
Битарты Вячеславы амындмæ гæсгæ, ахсджиаг æххуыс бакодтой Дзæуджыхъæуы цæрæгæн
Хохойты Эриккæн хъыгдард у йæ астæуыстæг, афтæмæй йæ бинонтимæ царди æртыккæгæм уæладзыджы.
Республикæйы Сæргълæууæг Битарты Вячеславы амындмæ гæсгæ, ахсджиаг æххуыс бакодтой Дзæуджыхъæуы цæрæгæн. Хохойты Эриккæн хъыгдард у йæ астæуыстæг, афтæмæй йæ бинонтимæ царди æртыккæгæм уæладзыджы. Инвалиды креслæйы уæвгæйæ, йын æртыккаг уæладзыгмæ цæуын æвзæрын кодта зындзинæдтæ.
Ныр та йын радтой ног фатер. Уый зынгæ фенцондæр кодта йæ уавæр, уымæн æмæ Эрикы æппынæдзухдæр цæуын хъæуы медицинон æркастмæ. Бинонтæ курдиат арвыстой Битарты Вячеславмæ. Республикæйы Сæргълæууæг хъуыддаг равзарын бабар кодта арæзтады министрадæн. Афтæмæй Хохойты Эриккæн ног фатер радтой фыццæгæм уæладзыджы.