Ахæм хъуыды æмбырды фехъусын кодта Тускъаты Таймураз
Инвестицион проекттæ æххæст кæнгæйæ, цы ног куысты бынæттæ фæзындысты, уыдон нымад сты, социалон уавæрмæ ахадгæ æвæрæныл. Ахæм хъуыды, Цæгат Ирыстоны æххæстгæнæн хицаудзинады оргæнты разамонджытимæ, бынæттон администрациты сæргълæуджытимæ æмæ бизнес-æхсæнады минæвæрттимæ æмбырды фехъусын кодта хицауады сæрдар Тускъаты Таймураз.
Сæ ныхас арæзт æрцыд видеоконференцийы хуызы. Стыр æргом аздæхтой, хъæууон хæдзарады къабазы кæуыл бакуыстой, ахæм дыууæ проектыл. Ацы хуызы ныхас фадат радта проекттыл бæстон æрдзурынæн. Ома цавæр зындзинæдтæ уыдзæн, цавæр паддзахадон æххуыс райсæн ис, стæй 2025-æм азы онг Цæгат Кавказы федералон зылды социалон-экономикон рæзтыл цавæр куыст цæудзæн, уый. Инвестицион проектæй муниципалитетмæ цы æфтиаг цæуы, уый фадат дæтты алыхуызон программæтæ царды уадзынæн. Бынæттон администрациты сæргълæуджытæ хъуамæ бæстон кæсой, амалхъом адæм сын цы проекттæ цæттæ кæндзысты, уыдонмæ.
Ахсджиаг у куыд сæ равзарын, афтæ сæ царды уадзынæн æххуыс кæнын дæр. Æрмæст бæстон анализ фадат ратдзæн хорз хатдзæгтæ скæнынæн, загъта Тускъаты Таймураз.
