Джиоты Максимы хъуыдымæ гæсгæ, иу мыггаджы минæвæрттæ кæддæриддæр хъуамæ уой кæрæдзийы фарсмæ
Коронавирусы инфекциимæ тох кæныны рæстæг, хорз хъæппæрис бирæтæ равдыстой. Суанг æнæхъæн мыггæгтæй кæнынц хæрзаудæн куыст. Дæнцæгæн æрхæсдзыстæм Джиоты бинонты. Уымæн æмæ сæ хъуыдымæ гæсгæ, иу мыггаджы минæвæрттæ кæддæриддæр хъуамæ æнгом хæцой кæрæдзиуыл. Уæлдайдæр та – зын сахат. Ныридæгæн Джиотæ баххуыс кодтой 15 бинонтæн.
Конкурс«Лидеры России»-йы æрдæгфиналист, Цæгат Ирыстоны паддзахадон университеты ахуыргæнæг Джиоты Максимы хъуыдымæ гæсгæ, иу мыггаджы минæвæрттæ кæддæриддæр хъуамæ уой кæрæдзийы фарсмæ.
Мыггаджы фонд йæ архайды тыххæй никуы дзырдта, хъуамæ хорз хъуыддæгтæ арæзт цæуой, æнæ уæлдай ныхæстæй, зæгъынц Джиотæ.
Сохъуырты Алисæйы хæдзары хъомыл кæны цыппар сывæллоны. Джиоты мыггагæй у тынг бузныг. Кæддæриддæр сæ æнкъары ахадгæ æххуыс.
Джиоты мыггаджы минæвæрттæ цы фæрæзтæ сæмбырд кодтой, уыдонæй ныридæгæн баххуыс кодтой фынддæс бинонтæн. Уыимæ уыдонæй дыууæ бинонтæ цæрынц Цхинвалы.
