28 мая 2020, 16:19
Цæгат Ирыстоны, гæнæн ис, æмæ 1-æгæм июнæй фæстæмæ фæлæмæгъдæр кæндзысты хи изоляцийы фæтк
Фæлæ уыйхыгъд маскæтæ дарын хъæудзæн дарддæр.
Цæгат Ирыстоны, гæнæн ис, æмæ 1-æгæм июнæй фæстæмæ фæлæмæгъдæр кæндзысты хи изоляцийы фæтк. Фæлæ уыйхыгъд маскæтæ дарын хъæудзæн дарддæр. Ууыл ныхас цыд сæрмагонд æмбырды. Уæрæсейы фæлхасадмæ цæстдарды республикон Управленийы специалисттæ бацæттæ кодтой цалдæр амынддзинады, цæмæй æдасдзинады мадзæлттæ фæлæмæгъдæр кæной, уый тыххæй. Куыд бафиппайдтой, афтæмæй Цæгат Ирыстоны вирус парахат кæныны коэффициент у 1 иуæгæй къаддæр. Æмæ уый фадат дæтты ног къæпхæнмæ рахизынæн. Битарты Вячеславы хъуыдымæ гæсгæ уæддæр кæсын хъæуы республикæйы эпидемиологон уавæрмæ, æххæст кæнын фæлхасадмæ цæстдарды Управленийы домæнтæ æмæ æдасдзинады мадзæлттæ.