Уыимæ арæзт цæуынц уавæртæ, цæмæй ныййарджытæ æнæкъуылымпыйæ исой паддзахадон æххуыс.
Пандемийæйы рæстæг сæрмагонд цæстдард цæуы нæ республикæйы æппæты кæстæр цæрджытæм. Уавæр хынцгæйæ, арæндæтты уæлдайджынтæй æххæст кæнынц санитарон домæнтæ. Уыимæ арæзт цæуынц уавæртæ, цæмæй ныййарджытæ æнæкъуылымпыйæ исой паддзахадон æххуыс.
Чысыл Ибрагимыл цалдæр боны йеддæмæ нæ цæуы. Сывæллон у æнæниз. Мадæн у йæ æртыккаг хъæбул, фæлæ ацы хатт йæ райгуырдмæ хуымæтæг уавæрты не нхъæлмæ каст, цалдæр мæйы арвыста иппæрдæй, фæлæ йын уый йе нкъарæнтæ нæ фæмынæг кодта.
Дзæуджыхъæуы 2-æм арæндоны цард райдыдта 100-гай сывæллæттæн, уымæн æмæ пандемийæйы рæстæг æппæт районты ноггуырдты ласынц ардæм.
Ацы бонты арæндоны фæкарздæр сты санитарон домæнтæ. Ам ноггуырдтæй фæстæмæ ма сты æнхъæлцау сылгоймæгтæ.
Æхсызгон ма уый дæр у, æмæ ныр мадæлты капитал кæй ис хæдзарæй нæ рацæугæйæ сфидар кæнын. Апрелæй фæстæмæ Пенсион фонд райдыдта сертификаттæ дæттын. Æрмæстдæр хъæуы «Паддзахадон лæггæдты» порталы сæрмагонд формæ сæххæст кæнын, уыимæ рагагъоммæ фæнысан кæнын хыгъды номфыст. Ахæм хуызы курдиат бадæттæн ис 3 азæй 16 азы онг сывæллонæн уыцы-иу хаттæн 10 мин сомы райсынæн. Фæрæзтæ фидын райдыдтой 1-æм июнæй. Курдиат бадæтæн ис 1-æм октябрьмæ.
Пенсион фонды ма зæрдыл лæууын кæнынц, паддзахадон уæлæмхасæн æххуыс кæй исынц, 3 азы онг сывæллæттæ цы бинонты хъомыл кæны, уыдон дæр.
