02 июня 2020, 17:50
«Хæсты сывæллæттæн» абон радтой зæрдылдарæн майдантæ æмæ æвдисæндартæ
Кадджын мадзал арæзт æрцыд Дзæуджыхъæуы ветеранты Советы
«Хæсты сывæллæттæн» абон радтой зæрдылдарæн майдантæ æмæ æвдисæндартæ. Кадджын мадзал арæзт æрцыд Дзæуджыхъæуы ветеранты Советы. Йæ саразыныл бакуыста Советы сæрдар Лалыты Лев. Майдантæ дæр самал кодтой хи фæрæзтæй. Дыууæ мæймæ риуылдаргæ нысан «Хæсты сывæллон» лæвæрд æрцыд 54 адæймагæн.
Æдæппæтæй та сты 100-йы онг. Ахæм куыст цæудзæн дарддæр дæр. Нысан ма кæнынц Хуссар Ирыстоны «хæсты сывæллæтты» æрхъуыды кæнын. Уæвгæ, рох не сты, фæлæ ма ацы майдантæ иу хатт фадат дæттынц Фыдыбæстæйы Стыр хæсты зындзинæдтæ зæрдыл æрлæууын кæнынæн.