филиал вгтрк государственная телерадиовещательная компания “Алания”

Ивгъуыд суткæйы дæргъы Цæгат Ирыстоны коронавирус раиртæстой æртын фараст адæймагмæ. Знон сæ нымæц уыдис цыппор. Афтæмæй коронавирус кæмæ рабæрæг, уыдоны иумæйаг нымæц ссис æртæ мины цыппарсæдæ æртæ – хъусын кæны Уæрæсейы фæлхасадмæ цæстдарды управлени. Сæдæ иуæндæс адæймаджы сты республикæйы рынчындæтты, сæдæ æртын цыппарæй та сæхи дзæбæх кæнынц амбулаторон уагæй. Ведомствойы бæрæггæнæнтæм гæсгæ, коронавирусæй нæ республикæйы сдзæбæх сты æртæ мины сæдæ адæймаджы.  Дохырты цæстдард ис авдсæдæ цыппор дыууæмæ. Уæ хорзæхæй, æххæст кæнут профилактикæйы домæнтæ æмæ хъахъхъæнут уæхи æмæ уæ хиуæтты дæр.