Фембæлд сарæзтой Хицауады хæдзары
Битарты Вячеслав бузныг загъта мæскуыйаг дохтыртæн, нæ республикæйæн коронавирусы инфекци парахат кæныны рæстæг кæй баххуыс кодтой, уый тыххæй. Фембæлд сарæзтой Хицауады хæдзары.
Уæ зæрдыл уын æрлæууын кæндзыстæм, мæскуыйаг дохтыртæ нæ республикæмæ ссыдысты дыууын æвдæм майы. Уæдæй нырмæ медикты къорд бабæрæг кодта, коронавирусæй рынчынты кæм дзæбæх кæнынц, уыцы рынчындæттæ, стæй сарæзта ахуыртæ амбулаториты æмæ поликлиникæты кусджытæн. Битарты Вячеслав сын саккаг кодта арфæйы фыстæджытæ.
Къорды сæргълæууæг Константин Покровский куыд бафиппайдта, афтæмæй сæхæдæг дæр Ирыстоны райстой хорз æмæ пайдайаг фæлтæрддзинад. Бафиппаинаг у уый дæр, æмæ а-дыууæ боны Мæскуыйы æнæниздзинадхъахъхъæнынады департамент нæ республикæмæ сæрвитдзæнис дохтырты ног къорд.
