Æнæнхъæлæджы сæ рабæрæг кодтой, Æрыдоны хæдзар аразгæйæ аразджытæ дзыхъхъ куы къахтой, уæд
Цæгат Ирыстоны ссардтой немыцаг салдæтты стæгдартæ. Æнæнхъæлæджы сæ рабæрæг кодтой, Æрыдоны хæдзар аразгæйæ аразджытæ дзыхъхъ куы къахтой, уæд. Хъуыддаг бæстон иртæст куы æрцæуа, уæд стæгдартæ арвитдзысты Германимæ.
Стæгдартæ ссаррдтой кусджытæ, Æрыдоны хи хæдзæрттæй иуы цур зæхх куы къахтой, уæд. Хæдзары хицау ам цæры 59-æм азæй фæстæмæ. Уыцы рæстæгмæ иу хатт дæр никуы фехъуыста ахæм цауы тыххæй. Куыддæр стæгдартæ ссардтой, афтæ хъуыддаджы тыххæй фехъусын кодтой пъæлицæйæгтæн æмæ агурæг сгарæг къорд «Долг и честь» -æн. Уыдон дзы ссардтой 7 немыцаг салдаты стæгдартæ. Базыдтой сæ сæ дарæсы скъуыддзæгтæй, æмæ сæм цы хи дзаумæттæ уыдис, уыдонмæ гæсгæ.
42-æм азы октябры Æрыдоны цæрджытæ кодтой цæхæрадоны куыстытæ. Уыцы рæстæг немыц ацыдысты Цыкола æмæ Дигорайы уылты. Уæд бацастой Æрыдон. Ахæм уавæры хъæу уыди 2 мæйы. Цыдис дзы карз тохтæ. Ацы стæгдартæ дæр дзурæг сты, ууыл.
Дзыхъхъы ссардтой салдæтты 5 хи дзаумайы. Стæй амæлæты нысангæнæг медальонтæ. Иу дзы у æнæхъæн. Уый та ууыл дзурæг у, æмæ уыцы салдат ис æбæрæгæй сæфт салдатты номхыгъды.
Уæрæсе æмæ Германийы хсæн цы æппæтадæмон бадзырд фыст æрцыдис, уый домæнтæм гæсгæ, стæгдартæ æрвыст æрцæудзысты сæ райгуырæн зæххмæ. Ацы хæдзары хицауы фыд нал сыздæхт фронтæй. Æбæрæгæй фесæфти Украинæйы. Гæнæн ис, æмæ агурджыты æххуысæй уый хъысмæт дæр сбæрæг уыдзæнис
