Уый уыд йæ рагон бæллиц
Фыдыбæстæйы Стыр хæсты ветеран Алексей Шевченко машинæ тæрын базыдта 94-аздзыдæй. Уый уыд йæ рагон бæллиц. Уæвгæ йæм машинæ дæр уыди, фæлæ йын цавæрдæр аххосæгтæм гæсгæ раздæр нæ уади. Ныр, Уæлахизы юбилейон аз социалон кусджытæ æххæст кæнынц акци «Ветераны бæллиц», æмæ афтæмæй æххæст кæнынц хæсты хъæбатырты зæрдæбын фæндтæ.
Алексей Шевченко машинæ тæрыныл æрæджы райдыдта ахуыр кæнын. Æххуыс та йын кæнынц Алагиры районы комплексон центры специалисттæ. Хæдтулгæйыл кæд 12 азы цæуы, уæддæр дзы ныронг фæндагмæ ничима рацыд. Хæсты ветеранæн æй балæвар кодтой Федералон программæмæ гæсгæ йæ, фæлæ дзы ныронг не спайда кодта.
Ацы урок Алексейæн у 4-æм. Куыд зæгъынц, афтæмæй у коммæгæс ахуырдзау, кæд æмæ иуæй-иу хатт уарзы машинæ тагъд скъæрын.
Машинæ скъæрын Алексейæн у рагон бæллиц. Районы социалон къабазы куысджыты фæрцы та йæ къухы бафтыд проект «Ветераны бæллиц» æххæстгæнгæйæ. 15 азы размæ Алексей Шевченкойæн амард йæ цардæмбал æмæ хæствæллад ветеран баззад иунæгæй. Хæдзары куыстыты та йын æххуыс кæнынц районы социалон къабазы куысджытæ.
Алексей Шевченко фронтмæ ацыд 1944-æм азы, Ленинграды блокадæ куы систой уæд. Ацы горæты сæмбæлд Уæлахизыл. Йе фсæддон службæ дарддæр ахæццæ кодта Дард Скæсæны, йæ хæдзарыл сæмбæлд 1950-йæм азты. Уæд, æвæццæгæн, æнхъæл дæр ны уыд фыццаг хатт машинæйыл кæй сбаддзæн 94 азы йыл куы цæуа, уæд. Фидæнмæ фæндтæ æвæрын та Алексей нæ уарзы, чи йын цы зоны, царды ма йыл цавæр æнæнхъæлæджы цаутæ æрцæудзæн
