Министр Таматы Майрæн радзырдта, хардзгонд газ æмæ электрон тыхæн фæрæзтæ æмбырд кæныны куыст кæй сног кодтой, уый тыххæй
Хицауады сæрдар Тускъаты Таймураз видеобастдзинады фæрцы цы æмбырд сарæзта, уым ныхас цыд цæрæнуæтты-коммуналон хæдзарад куыд цæттæ у уазæлттæм. Министр Таматы Майрæн радзырдта, хардзгонд газ æмæ электрон тыхæн фæрæзтæ æмбырд кæныны куыст кæй сног кодтой, уый тыххæй.
Æмбырды рæстæг æргом ахдæхтой электрон тыхдæттæг компаниты фарстатæм. Дзуапп сын радтой цæгатирыстойнаг дæлхайæдты разамонджытæ. Видеобастдзинады конференцийы архайдта Хицауады сæрдары хæдивæг Азымты Иринæ, Æнæххæстбарджын æхсæнад «Газпром межрегионгаз Дзæуджыхъæу»-ы генералон директор Хъодзаты Алан æмæ æндæр бæрнон кусджытæ. Куыд бафиппайдтой, афтæмæй пандемийæйы уавæр чысыл фæхуыздæр. Æрвылбоны фæткмæ рахизын хъæуы æнæ цæлхдуртæй, зымæгмæ цæттæ куыд уæм, бафиппайдта Тускъаты Таймураз.
