16 июня 2020, 16:46
Автоинспекцийы куысджытæ бæрæг кæнынц, фистæгæйцæуджытæ куыд æххæст кæнынц фæндаггон закъæттæ, уый
Инспектортæ рацыдысты транспорты змæлд иуыл арæхдæр кæм у, уыцы бынæттæм
Паддзахадон автоинспекцийы куысджытæ радон хатт бæрæг кæнынц, фистæгæйцæуджытæ куыд æххæст кæнынц фæндаггон закъæттæ, уый. Инспектортæ рацыдысты транспорты змæлд иуыл арæхдæр кæм у, уыцы бынæттæм. Фылдæр сæ тыхтæ сарæзтой, Рамоны-фырты æмæ Кировы номыл уынгтæ кæм баиу сты, уырдæм. Пъæлицæйæгтæ сæ цæст дардтой фæндаггон закъæттæ куыд æххæст кæнынц, уымæ. Чи сæ хæлдта, уыдоны-иу баурæдтой, семæ кодтой профилактикон ныхас. Уыимæ æргом здæхт цыд фистæгæйцæуджытæн кæм æмбæлы, уым фæндаг чи нæ лæвæрдта, уыцы шофыртæм.
