17 июня 2020, 16:37
Ахуырады æмæ наукæйы министрады кад кодтой уæлæмхасæн ахуырады æппæтуæрæсеон конкурсы лауреаттæн
Ахуырады æмæ наукæйы министрады абон кад кодтой уæлæмхасæн ахуырады æппæтуæрæсеон конкурсы республикон къæпхæны лауреаттæн. Сæ курдиæттæ йæм балæвæрдтой 23 педагогы Цæгат Ирыстоны æппæт районтæй.
Ерыс кодтой 6 номинацийы: аивадон, æрдзон-наукон, техникон, туристон-бæстæзонæн, социалон-педагогон æмæ профессионалон дебюты. Ерысы архайджытæ æххæст кодтой сфæлдыстадон хæслæвæрдтæ, бацæттæ кодтой презентацитæ, эссе, видеоуроктæ, стæй жюрийы размæ рахастой сæхи ахуырадон программæтæ.
Лауреаттæн раарфæ кодта ахуырады æмæ наукæйы министр Людмила Башарина. Конкурсы уæлахиздзаутæ дарддæр архайдзысты фæсаууонмæ къæпхæны. Цæудзæн августæй – октябры онг.
