Информаци æмбырдгонд æмæ æрвыст æрцыд Æппæтуæрæсеон адæмон фронты «Уæрæсейы агурæг змæлды» регионалон хайадмæ
Мысæн æмæ хъыггæнæны бон Æппæтуæрæсеон адæмон фронты активисттæ сырхæфсæддон Кокойты Георгийы хъысмæты тыххæй гæххæттытæ радтой йæ хæстæджытæн. Информаци æмбырдгонд æмæ æрвыст æрцыд Æппæтуæрæсеон адæмон фронты «Уæрæсейы агурæг змæлды» регионалон хайадмæ.
Цæмæй Фыдыбæстæйы Стыр хæсты рæстæг чи фесæфт, уыдоны тыххæй исты базоной, уый нысанимæ фарон проект «Салдаты хъысмæт»-ы фæлгæты нæ республикæйы æрæмбырд кодтой 188 курдиаты.
Се хсæн Кокойты Георгий дæр. Куыд рабæрæг, афтæмæй фæмард 1942-æм азы 11-æм майы хъæу Дубровка-Лузгачимæ хæстæ, фæстæдæр ныгæд æрцыд Калугæйы область хъæу Которы. Хæстæджытæм документтæ фæхæццæ кодта Æппæтуæрæсеон адæмон фронты регионалон штабы уæнг, инæлар-майон Къаболаты Солтан. Уый сын загъта бузныг сæ фыдæлты ном кæй нæ рох кæнынц, уый тыххæй.
