Уый тыххæй РЦИ-А экономикон рæзты министр Томайты Хъазыбег фехъусын кодта, Цæгат Ирыстоны Сæргълæууæг Битарты Вячеслав цы видеоконференци сарæзта, уым
Республикæйы æппæт муниципалон скондтæ снысан кодтой пандемийæйы рæстæг экономикæйы рæзтæн сæрмагонд пълан. Уый тыххæй РЦИ-А экономикон рæзты министр Томайты Хъазыбег фехъусын кодта, Цæгат Ирыстоны Сæргълæууæг Битарты Вячеслав цы видеоконференци сарæзта, уым. Ныртæккæ сæйрагдæр у коронавирусы рæстæг кæй бизнес фæкъуылымпы, уыцы амалхъом адæмæн баххуыс кæнын. Уымæн æмæ сын сæ кусджытæн хъæуы мызд фидын, уымæй уæлдай сæ сæ куыст дарддæр хæццæ кæнынæн дæр хъæуы фæрæзтæ.
Уый хынцгæйæ, федералон программæтæй уæлдай йæ тыхы ис регионалон æххуысы механизм дæр, загъта Битарты Вячеслав. Томайты Хъазыбег куыд фехъусын кодта, афтæмæй финансты фондæн федералон бюджетæй субсидитæ радтой 190 млн сомы. Республикæйы экономикон рæзты министрад мониторинг кæны базарадон объектты æмæ продукттæ кæм уæй кæнынц, ахæм дуканиты архайдмæ. Практикæ куыд амоны, афтæмæй æнæмæнг хъæугæ товартæ дуканиты дефицит не сты. Видеоконференцийы куыд фехъусын кодтой, афтæмæй йæ куыст кæмæн фæкъуылымпы ис, уыцы амалхъом адæмæй субсидитæ райсынмæ балæвæрдтой 11 мин курдиæттæ.
Абоны онг уал радтой 200 млн бæрц. Боны фæтмæ цы фарстатæ рахастой, уыдонæй иу уыди – адæмы куысты бынæттæй ифтонг кæнын. Уыцы хъуыддаджы дæр республикæйы Сæргълæууæг бахæс кодта, цæмæй республикæйы районтæ куысты бынæтты армукъатæ аразой. Æмбырды архайджытæн Битарты Вячеслав загъта, туристон, санаторон-курортон объектты, стæй кафетæ æмæ ресторанты куыст сног кæнгæйæ хъуамæ карзæй æххæстгонд цæуой фæлхасадмæ цæстдарды домæнтæ.
