14 июля 2020, 16:10
Цæгат Ирыстоны ма ивгъуыд суткæмæ коронавирус раиртæстой ноджыдæр 16 адæймагмæ
14-æм июлы райсомы 8 сахатмæ республикæйы хыгъд æрцыди коронавирусæй рынчын 4287 адæймаджы
Цæгат Ирыстоны ма ивгъуыд суткæмæ коронавирус раиртæстой ноджыдæр 16 адæймагмæ.Ацы бæрæггæнæнтæ абон райсомæй фехъусын кодта фæлхасадмæ цæстдарды управленийы пресс-службæ. Афтæмæй, 14-æм июлы райсомы 8 сахатмæ республикæйы хыгъд æрцыди коронавирусæй рынчын 4287 адæймаджы. Уыдонæй 491 адæймаджы сæхи дзæбæх кæнынц амбулаторон уагæй. 29 – рынчындæтты, 3700 адæймаджы сдзæбæх сты. 67-æй амардысты.