Йæ сæйраг æнтыстдзинæдтæй иу у, Цæгат Ирыстоны фарон санитарон авиаци кæй скуыста, уый
Республикæйы хицауады дзырдтой, фыццаградон медицинон æххуысы системæйы райрæзт куыд æххæстгонд цæуы, ууыл. Йæ сæйраг æнтыстдзинæдтæй иу у, Цæгат Ирыстоны фарон санитарон авиаци кæй скуыста, уый. Йæ фæрцы дæрддзæф хъæуты цæрджыты бахъуыды заман æвæстиатæй фæхæццæ кæнынц Дзæуджыхъæуы рынчындæттæм. Фарон вертолет ратахтис 72 хатты, ацы аз та 95. Проекты нысан у æнæниздзинадхъахъхъæнынады къабаз дæсны кадртæй сæххæст кæнын.
Уый тыххæй республикæйы æркусдзысты программæтæ «Земский доктор» æмæ «Земский фельдшер». Программæты руаджы Цæгат Ирыстоны районтæм ацæудзысты дыууын иу дохтыры æмæ фондз фелсыры. Ивддзинæдтæ цæуынц поликлиникæты куысты дæр. Зæгъæм, фыццæгæм поликлиникæйы проекты фæрцы фæкъаддæр ис дохтырмæ æнхъæлмæ кæсыны рæстæг, стæй хи ныффыссын дæр у æнцондæр.
Уыцы æнтыстдзинад сæ къухы бафтыд, электрон номхыгъдæй пайда кæнын кæй райдыдтой, уый руаджы. Хицауады сæрдар Тускъаты Таймураз бабар кодта, цæмæй национ проект Æнæниздзинадхъахъхъæнынады алы къæпхæн æххæст кæнгæйæ, æнæмæнгæй нымайой адæмы хъуыдытæ æмæ фиппаинæгтæ.
