Ведомствойы минæвæрттæ рæстæгæй-рæстæгмæ рацæуынц профилактикон рейдты
Фæндæгты æдасдзинады домæнтæ куыд æххæстгонд цæуынц, уымæ бæстон сæ цæст дарынц фæндæгтыл æдасæй цæуыны паддзахадон инспектортæ. Ведомствойы минæвæрттæ рæстæгæй-рæстæгмæ рацæуынц профилактикон рейдты. Шофыртæн фæбæрæг кæнынц сæ гæххæттытæ æмæ машинæты уавæр. Цæстдарæн куыст хъæуы фæкарздæр кæнын, зæгъынц специалисттæ, уымæн æмæ фыдбылызты нымæц рæзы.
Дзæуджыхъæуы сæйраг уынгтæ æмæ Штыбы фæз. Цыбыр инструктаж æмæ фæндæгыл æдасæй цæуыны паддзахадон инспецийы кусджытæ рацыдысты сæ куысты бынæттæм. Нæ республикæйы дарддæр цæуынц профилактикон рейдтæ, фæндаггон домæнтæ чи не ххæст кæны, уыдоны раргом кæныны тыххæй. Ахæм мадзæлттæ æнæмæнг хъæуæг сты, Цæгат Ирыстоны фæндæгты фыдбылызты нымæц кæй фæфылдæр, уымæ гæсгæ.
Профилактикон рейдтæ арæзт цæуынц республикæйы æппæт районты. Инспектортæ бæрæг кæнынц бардæттæг гæххæттытæ, машинæты уавæр, стæй шофыртæм нозт хæццæ кæны, æви нæ, уый.
Ацы азы райдианæй фæндаггон фыдбылызты фæмарди 50 адæймагæй фылдæр. Æрмæст фæстаг мæймæ та сты 14. Афæдзы рдæгмæ 42 фыдбылызы æрцыди нозтджын шофырты аххосæй. Цæмæй нымæцтæ къаддæр кæной, уый тыххæй автоинспектортæ рацæуынц рейдты. Семæ вæййынц æхсæнадон кусджытæ дæр.
2020-æм азмæ пъæлицæйы кусджытæ раргом кодтой 2 мины æмæ 500
нозтджын шофыры Уыдонæй алчидæр тæссаг уавæр æвзæрын кодта фæндаггон змæлды
архайджытæн.
