Уый тыххæй фехъусын кодтой, Азымты Иринæйы разамындæй Цæгат Ирыстоны бархионты фарстаты фæдыл арæзт Советимæ æмбырды
Æппæтуæрæсеон акци #МыВместе æххæстгæнгæйæ, Цæгат Ирыстоны 19 мин цæрæджы райстой гуманитарон æххуыс. Уый тыххæй фехъусын кодтой, Азымты Иринæйы разамындæй Цæгат Ирыстоны бархионты фарстаты фæдыл арæзт Советимæ æмбырды. Арæзт уыд дæрддзæфмæ. Архайдтой дзы регионы бархион организациты разамонджытæ. Цæгат Ирыстоны медицинон институты бындурыл арæзт уыд бархионты регионалон штаб. Уыдон æххуыс кодтой ацæргæ адæмæн, æххуысхъуаг, бырæсывæллонджын æмæ инвæлид кæмæ ис, уыцы бинонтæн. Уыцы иу рæстæг æххуыс кодтой рынчындæтты кусджытæн дæр.Æдæппæтæй стабы куысты архайдта 580 бархионы. Уыдон сты уæлдæр ахуыргæнæдæтты студенттæ æмæ Æппæтуæрæсеон адæмон фронты фæсивæдон активисттæ. Се ппæтæн дæр раарфæ кодта республикæйы хицауады сæрдары хæдивæг Азымты Иринæ.
Уæ зæрдыл уын æрлæууын кæндзыстæм, 11-æм июны Уæрæсейы Президент кæй сфидар кодта номарæн майдан. Лæвæрд цæудзæн пандемийæйы рæстæг æппæтуæрæсеон акцийы фæлгæты адæмæн чи æххуыс кодта, уыцы бархионтæн
