Ахæм уацты цикл фæзындзæн хъуыстгонд трэвел-блогер Арина Шумаковайы сыфты социалон хызты
«Ирыстоны тыхджын адæм». Ахæм уацты цикл фæзындзæн хъуыстгонд трэвел-блогер Арина Шумаковайы сыфты социалон хызты. Ныртæккæ йæхæдæг ис нæ республикæйы. Уæвгæ, Цæгат Ирыстоны ис дыккаг хатт. Фыццаг хатт уыд бæрæггæнæн балцы хуызы. Ныр та Аринæйы æрбахуыдтой йæ зонгæ адæм. Æппæтæй фылдæр йæ зæрдæмæ цæуынц бынæттон адæм. Блогер радзырдта, нæ республикæмæ туристты ргом куыд раздахæн ис, уый тыххæй дæр. Куыд загъта, афтæмæй ам ис алцыдæр: рæсугъд æрдз, хъæздыг истори, культурæйы æмæ архитектурæйы бирæ цыртдзæвæнтæ æмæ чи рæзы, ахæм инфраструктурæ. Æрмæст хъæуы Кавказы тыххæй чи ныффидар, ахæм хъуыдытæ ивын. Арина Шумакова нысан кæны 10 историйы ныммыхуыр кæнын Ирыстоны алыхуызон цæрджытыл.
Блогер архайдта акци «Большая добрая встреча»-йы. Уый арæзт æрцыд Бæдуаты Зæринæйæн æхца æмбырд кæныны нысанимæ. 10 мæйдзыд чызг рынчын у уæззау низæй – 1 хуызы спинально-мышечная атрофия. Йе сдзæбæх кæнынæн хъæуы 155 милуан сомы. Уыдонæй сæмбырд кодтой 44 милуан сомæй фылдæр. Арина Шумакова дыууæ хатты йæ инстаграм сыфы ныммыхуыр кодта гыццыл чызджы истори. Æмæ йыл фыст чи у, уыцы адæмы фæрцы Зæринæйæн сæмбырд кодта 9 милуан сомы.
