филиал вгтрк государственная телерадиовещательная компания “Алания”

Цæгат Ирыстоны закъонæвæрынады æмбырды спикер Алексей Мачнев парламенты кады грамотæтæ радта нæ республикæйы аразджыты къабазы архайджытæн. Куыд загъта, афтæмæй цæгатирыстойнаг арæзтады комплекс кæддæриддæр уыд хъомысджын. Йæ фæрцы царды уагъд цыдысты егъау проекттæ æмæ алыхуызон хæстæ. Нырыккон технологитæй æмæ фæлтæрддзинадæй пайда кæнгæйæ, бындур æвæрд æрцыд ацы дæсныйадæн. Алексей Мачнев ма загъта, нæ республикæйы аразæджы дæсныйад арæх æнæхъæн бинонтæй кæй æвзæрстой, уый. Афтæмæй дæсныйады сусæгдзинæдтæ лæвæрд цыдысты  фæлтæрæй-фæлтæрмæ. Ацы аз пандемия бахаста ивддзинæдтæ, фæлæ хуыздæр аразджытæн кад кæнын у республикæйы Парламенты æнæивгæ традици.